I Sogn og Fjordane er det sett i gong eit prosjekt som kan seiast å vere unikt, i alle fall i målestokk – ”Digitalt Skulesamarbeid i Sogn og Fjordane”.

Prosjektet skal gje ei samla satsing på system, innhald og kompetanse på tvers i Sogn og Fjordane. Utgangspunkt for prosjektet er nasjonale føringar for bruk av IT i skuleverket og  IT-forum Skulenettverk fekk difor i 2006 som oppgåve å finne ei plattform for digitalt samarbeid i skulen - og valet fall lett på bruk av læringsplattform. Her såg me at ein kunne nå alle målgruppene på ein fornuftig måte. I tillegg synte det seg at ny teknologi sytte for at ein kunne oppnå samarbeid innan dei ulike læringsplattformene rundt om i fylket med eit minimum av modifikasjonar i eksisterande installasjonar. Arbeidet med koordinering av samarbeid mellom læringsplattformane vart det fyste satsingsområdet.

Eit anna satsingsområde var infrastrukturutbyggjing, dette er eit prosjekt i Ytre Sogn/Indre Sunnfjord (SYS-IKT).

Det tredje satsingsområdet var å ha gode døme på innhald og bruk; og her var det forslag om kartlegging av nynorske læringsressursar, streaming, blog/wiki, nettbasert undervisning, praksissamarbeid høgskule/grunnskule og samarbeid heim/skule som vart fremma.

Desse tre satsingsområda blei lagt til grunn for utarbeiding av eit forslag som enda opp med prosjektet ”Digitalt skulesamarbeid i Sogn og Fjordane”. Prosjektet er tidsavgrensa ut 2009, og er delfinansiert gjennom fornyingsmidlar frå fylkesmannen.

Revidert tidsplan: